काठमाडौं । नेपाली कम्युनिष्ट पार्टीले भने राष्ट्रिय सभामा चार सिटको दाबी गरेको छ ।
मंगलबार बसेको नेकपाको बैठकमा राष्ट्रिय सभामा अरू दलसँग मिलेर जाने र मतभारका आधारमा सिट मिलाउनुपर्ने प्रस्ताव भएको थियो । पार्टीको सिट र उम्मेदवार टुङ्ग्याउने जिम्मा भने संयोजक पुष्पकमल दाहाल र सहसंयोजक माधवकुमार नेपाललाई दिइएको छ ।
बैठकले राष्ट्रियताको सवालमा देशभक्तहरूको बृहत समझदारी आवश्यक भएको निष्कर्ष निकालेको छ । संयोजक दाहालले प्रतिनिधि सभा निर्वाचनमा भने कसैसँग गठबन्धन नहुने बताउनुभयो । उहाँले रवि-बालेन्द्र एकताले आफूहरू नडराएको पनि दाबी गर्नुभयो । भारत भ्रमणमा धेरै भारतीय नेतासँग भेटवार्ता भए पनि औपचारिक भने नभएको जिकिर गर्नुभयो ।
