काठमाडौं । उपसभामुख इन्दिरा रानालाई पदबाट हटाउने तयारीप्रति कांग्रेसमा शेखर कोइराला पक्ष असन्तुष्ट देखिएको छ ।
उपसभामुखलाई हटाउने विषयमा कांग्रेस सभापति शेरबहादुर देउवाले मंगलबार बिहान बुढानीलकण्ठमा बोलाएको बैठकमा शेखर कोइराला सहभागी हुनुभएन । संसदीय दलमा सांसदहरूलाई बोलाएर हस्ताक्षर संकलन गरिएकामा कोइराला पक्ष सांसदहरू पनि उपस्थित भएका छैनन् ।
नेपाली कांग्रेसले पदाधिकारी बैठक सभापति निवास बुढानीलकण्ठमा बोलाएको थियो । बैठक सकिएलगत्तै कांग्रेसले आफ्ना सांसदहरूलाई सिंहदरबार बोलाएर हस्ताक्षर गराइरहेको छ ।
प्रधानमन्त्री निवास बालुवाटारमा कांग्रेस र एमालेका नेताहरुबीच साेमबार साँझ उपसभामुखले पदअनुसार आचरण नगरेको भन्दै हटाउने समझदारी जुटेको थियो ।
