काठमाडौं । सुदूरपश्चिम प्रदेशका मुख्यमन्त्री कमलबहादुर शाहले प्रदेशसभामा पुन: विश्वासको मत पाउनुभएको छ ।
नागरिक उन्मुक्ति पार्टीले समर्थन फिर्ता लिएपछि मुख्यमन्त्री शाहले पुन: प्रदेशसभाबाट विश्वासको मत लिनुभएको हो ।
प्रदेशसभाको बिहिबार बसेको बैठकमा मुख्यमन्त्री शाहले राखेको विश्वासको मतको पक्षमा ३० मत परेको हो । उहाँको विपक्षमा १५ मत परेको थियो । ५३ सदस्यीय सुदूरपश्चिम प्रदेशसमा विश्वासको मत पाउन २७ जनाको समर्थन आवश्यक पर्नेमा मुख्यमन्त्री शाहले ३० मत पाउनुभएको हो ।
उहाँलाई नेपाली कांग्रेसका १८ र नेकपा एमालेका ११ प्रदेशसभा सदस्यले विश्वासको मत दिएका छन्। यसैगरी समर्थन फिर्ता लिएको नाउपाका कैलाश चौधरीले पनि मुख्यमन्त्रीलाई विश्वासको मत दिनुभएको छ ।
सत्ता साझेदार दल नाउपाले गत असार २० गते समर्थन फिर्ता लिएपछि मुख्यमन्त्रीले संविधानअनुसार विश्वासको मत लिनुभएको हो ।
