काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओलीले सरकारको चिन्ता नगरी मिसन ०८४ मा लाग्न युवा कार्यकर्ताहरूलाई आग्रह गर्नुभएको छ ।लोकतन्त्रको स्थापना दिवसको उत्सव मनाउन भन्दै काठमाडौं बोलाइएका युवालाई सम्बोधन गर्दै प्रधानमन्त्री ओलीले नेकपा एमालेको ध्यान सरकारमा नभई चुनाव केन्द्रित हुने समेत बताउनुभयो ।
स्वदेशी तथा विदेशी तत्त्वहरूले मुलुकलाई प्रतिगमनतिर धेकेल्ने काम गरिरहेको पनि प्रधानमन्त्री ओलीको आरोप छ । उहाँले लोकतन्त्रको रक्षा र सुदृढीकरणमा लाग्न युवा कार्यकर्तालाई आग्रह गर्नुभयो ।
