काठमाडौं । सभामुख देवराज घिमिरेले बजेट अधिवेशनमा शिक्षकका माग सम्बोधन गर्न सम्भव नरहेको बताउनुभएको छ । झापामा आज सञ्चारकर्मीसँग कुरा गर्दै सभामुख घिमिरेले बजेट अधिवेशनले बजेटसँग सम्बन्धित विषयलाई नै प्राथमिकता दिनुपर्ने भएकाले शिक्षकका माग सम्बोधन गर्न सक्ने अवस्था नरहेको बताउनुभएको हो ।
शिक्षकहरूले भनेजस्तो तत्काल विद्यालय शिक्षा ऐन जारी हुन सम्भव नभएको उहाँको भनाइ छ । सभामुख घिमिरेले सरकारले माग सम्बोधन गर्ने प्रक्रिया सुरु गरेकाले वार्तामा नबसे पनि शिक्षकहरूले तत्काल आन्दोलन फिर्ता लिनुपर्ने बताउनुभयो ।
सभामुख घिमिरेले विद्यालय शिक्षा विधेयकमा दलहरूबीच नै मतभेद भएकाले राजनीतिक सहमति कायम गर्न आवश्यक रहेको समेत बताउनुभयो ।
