काठमाडौं । सुरक्षित कारोबार ऐन, २०६३ लाई संशोधन गर्न बनेको विधेयक अर्थ समितिबाट पारित भएको छ ।
आज बसेको प्रतिनिधिसभा अन्तर्गतको अर्थसमितिको बैठकले सुरक्षित कारोबार ऐनलाई केही संशोधनसहित पारित गरेको हो । समिति सभापति सन्तोष चालिसेले भैँसी, बाख्रा किनबेचदेखि अन्य प्रकारका साना र घरायसी कारोबारलाई समेत सुरक्षित बनाउने गरी ऐन पास भएको बताउनुभयो ।
ऐन संसदबाट पास भएर कार्यान्वयनमा आएसँगै साना व्यापारीलाई पनि फाइदा पुग्ने उहाँको भनाइ छ । अब बस्ने संसदमा समितिले पास गरेको विधेयक पेस गर्ने तयारी समितिको छ ।
