काठमाडौं । राष्ट्रिय स्वतन्त्र पार्टीले मंसिर १६ गते हुने स्थानीय तहको उपनिर्वाचनका लागि उम्मेदवारको आवेदन मागेको छ ।
रास्वपाले आइतबार दिउँसो २ बजेसम्मको समय दिँदै आवेदन आह्वान गरेको हो । एकभन्दा बढी आवेदन परेमा प्रारम्भिक निर्वाचन प्रक्रिया सुरु हुने रास्वपाले जनाएको छ ।
आफ्ना योग्य उम्मेदवार नपाएमा कुनै पनि पार्टीमा नरहेका स्वतन्त्र उम्मेदवारलाई समर्थन गर्न सकिने, तर चुनावअगाडि कुनै पनि पार्टी वा नेतासँग गठबन्धन नगरिने रास्वपाले स्पष्ट पारेको छ ।
