काठमाडौं । राष्ट्रिय सभाका सदस्यहरुले विपद् व्यवस्थापनको नाममा जनतामाथि ठगी गर्ने काम हुन नदिन सरकारलाई सुझाव दिएका छन् ।
राष्ट्रिय सभा अन्तर्गतको सार्वजनिक नीति तथा प्रत्यायोजित विधायन समितिको आजको बैठकमा सदस्यहरुले बाढी, पहिरोको विपत्तिपछि दैनिक उपभोग्य वस्तुको मूल्य अत्याधिक बढाएर जनतालाई ठग्ने काम भैरहेको भन्दै तत्काल नियमन गर्न सरकारलाई सुझाव दिए ।
विपदमा परेकाहरुलाई तत्काल राहत दिने गरी नीतिगत निर्णय गर्न पनि उनीहरुले सरकारलाई सुझाव दिए ।