FilePhoto
पाँचथर । जनता समाजवादी पार्टि नेपालका अध्यक्ष उपेन्द्र यादवले संविधान संशोधन गर्ने सर्तमा आफ्नो दलले एमाले नेतृत्वको सरकारलाई समर्थन गरेको बताउनुभएको छ ।
आज पाँचथर सदरमुकाम फिदिम पुग्नुभएका यादवले आफ्नो पार्टीले २०७२ असोज ३ गते संविधान जारी भएकै दिनदेखि संशोधनको माग गरिरहेको दोहोर्याउनुभयो ।
संविधानलाई मुलुकका सबै जाति भाषा र समुदायको अपनत्व हुने गरी संशोधन गर्नु जरुरी रहेकाले सोही सर्तमा एमाले कांग्रेसको साझेदारीमा गठन भएको सरकारलाई समर्थन दिएको उहाँको भनाइ छ ।
यादवले सरकार भ्रष्टाचार नियन्त्रण र सु-शासनतर्फ गम्भीर नरहेको आरोप पनि लगाउनुभयो । सरकारको नेतृत्व गरिरहेका दल भन्दा पनि बिचौलियाका कारण देशमा भ्रष्टाचार र अनियमितता नरोकिएको उहाँको भनाई थियो ।
