कैलाली । सुदूरपश्चिम प्रदेशमा मुख्यमन्त्रीका लागि नागरिक उन्मुक्ति पार्टीका लक्ष्मणकिशोर चौधरीले दाबी पेस गर्दैछन् । नेपाली कांग्रेस, एकीकृत समाजवादी र राप्रपाको समर्थनमा नाउपाले मुख्यमन्त्रीमा दाबी पेस गर्न लागेको हो ।
नयाँ सरकारको दाबीका लागि प्रदेश प्रमुख नजिर मियाँले दिएको समय सीमा आज सकिँदैछ । मुख्यमन्त्री कमलबहादुर शाहले राजीनामा दिएपछि प्रदेश प्रमुख मियाँले संविधानको धारा १६८ को २ बमोजिम नयाँ सरकार गठनका लागि आजसम्मको समय दिएर आह्वान गरेका थिए ।
नाउपाबाटै अध्यक्ष रञ्जिता श्रेष्ठ पक्षले कैलाश चौधरीलाई मुख्यमन्त्रीमा अघि सार्ने तयारी गरेको थियो । उनलाई केन्द्रको सरकारका मुख्य दल नेकपा एमाले र माओवादी केन्द्रसहितले समर्थन गरेका छन् ।
