काठमाडौं । तीन दिनदेखि जारी नेकपा एमालेको केन्द्रीय कमिटी बैठक १६ बुँदे समसामयिक प्रस्ताव पारित गर्दै शनिबार सकिएको छ ।
बैठकमा अध्यक्ष केपी शर्मा ओलीले पेस गरेको १५ पृष्ठको राजनीतिक प्रतिवेदन संशोधनसहित पारित भएको छ । साथै बैठकले केन्द्रीय कमिटीका सदस्यलाई एक वर्षसम्म स्थानीय तहमा खटाउने भएको छ ।
एमाले बैठकमा नक्कली शरणार्थी प्रकरणमा फरार रही निलम्बनमा परेका टोपबहादुर रायमाझीलाई पार्टीको साधारण सदस्य नरहने गरी निस्कासन गर्न केन्द्रीय सदस्यहरुले दबाब दिएका थिए ।
