धनकुटा । गाईजात्राका लागि यात्री बोकेर सदरमुकाम धनकुटा बजार आउँदै गरेको पिकअप भ्यान दुर्घटना हुँदा १७ जना घाइते भएका छन् ।
को २ च २३०९ नम्बरको गाडी धनकुटा नगरपालिका ८ टेकुनाला भन्ने स्थानमा दुर्घटनामा परेको हो । घाइतेहरूलाई उपचारका लागि जिल्ला अस्पताल धनकुटा लगिएको छ ।
घटनामा गम्भीर घाइते भएका केहीलाई धरान पठाइएको ट्राफिक प्रहरी नायव निरीक्षक मनोज खड्गाले जानकारी दिनु भयो। दुर्घटनामा गम्भीर घाइते हुनेमा धनकुटा नगरपालिका ७ का ६२ वर्षीय गुणराज श्रेष्ठ, धनकुटा नगरपालिका ७ कै ३८ वर्षीय जीतबहादुर श्रेष्ठ र धनकुटा नगरपालिका ८ बस्ने ४५ वर्षीय रेनुका राई रहेका छन् ।
घटनाबारे थप बिवरण आउन बाँकी छ ।
