बागलुङ । बागलुङमा शुक्रबार साँझ भएको जीप दुर्घटनामा परी दुई जनाको मुत्यु भएको छ ।
बुर्तिवाङ बजारबाट ढोरपाटन सालझण्डी सडक खण्ड हुँदै सहीखोलातर्फ जाँदै गरेको लु.प्र.०१-००१-१७७५ नम्बरको जीप ढोरपाटन नगरपालिका वडा नं. ५ बतासे डाँडामा दुर्घटना हुँदा स्थानीय नरबहादुर कार्की र भीम कुमारी बुढाको मृत्यु भएको जिल्ला प्रहरी कार्यालय बागलुङका प्रहरी नायव उपरिक्षक बसन्त पाण्डेले जानकारी दिनुभयो ।
कार्की र बुढाको बुर्तिवाङ अस्पतालमा उपचारको क्रममा मृत्यु भएको थियो । जीप दुर्घटनामा परी १४ जना घाइते भएका छन् । घाइते मध्य आठ जनालाई उपचारको लागि मणिपाल अस्पताल पोखरा, पाँच जनालाई मिसन अस्पताल पाल्पा रिफर गरिएको र एक जनाको बुर्तिवाङ अस्पताल बागलुङमा उपचार भइरहेको प्रहरीले जानकारी दिएको छ ।
जीप सडकदेखि ६० मिटर तल खसेको थियो । घटनाबारे थप अनुसन्धान भईरहेको प्रहरी नायव उपरिक्षक पाण्डेले बताउनुभयो ।
