तनहुँ । पृथ्वी राजमार्गअन्तर्गत तनहुँको दमौलीस्थित मादी नदीको पुलबाट शनिबार राति साढे ११ बजे बोलेरो जीप खस्दा तीन जनाको मृत्यु भएको छ । दुर्घटनामा भने दुई जना घाइते भएका छन।
दमौलीबाट चापाघाटतर्फ जाँदै गरेको ग २ च ५७६० नम्बरको जीप पुलको छेउमा रहेको रेलिङमा ठक्कर खाँदै नदीमा खस्दा जीपमा सवार व्यास नगरपालीका-५ का कुशल मगर, प्रविन मगर र कुमार मगरको मृत्यु भएको जिल्ला प्रहरी कार्यालय तनहुँले जनाएको छ।
सो जीपमा सवार धिरज रौनियारको भने पोखराको मणिपाल शिक्षण अस्पतालमा उपचार भैरहेको छ । घाइते जीपका चालकशनि बानियालाई दमौलीमा उपचार पछि तनहुँ प्रहरीले आफ्नो नियन्त्रणमा राखेको बताइएकाे छ ।
