खोटाङ । खोटाङको साकेला र दिप्रुङ चुइचुम्मा गाउँपालिकाले पालिका क्षेत्रभित्रका सडकमा ठूला सवारीसाधनलाई आवतजावतमा प्रतिबन्ध लगाएका छन् ।
ठूला सवारीसाधन आवतजावत गर्दा कच्ची सडक भत्किएको भन्दै ती गाउँपालिकाले २१ टन क्षमताको दश चक्के र १५ टन क्षमताका ८ चक्के ट्रकलाई प्रतिबन्ध लगाएका हुन् ।
तर, गाउँपालिकाले सार्वजनिक सडकमा ठूला सवारीसाधनमाथि नियम विपरीत प्रतिबन्ध लगाएको भन्दै आलोचना सुरु भएको छ । ठूला सवारीसाधन आवतजावतमा प्रतिबन्ध लगाइएसँगै सर्वसाधरणले उत्पादन गरेका वस्तु तथा निकासी गर्नुपर्ने काठ-पातसमेत रोकिएका छन् ।
