चितवन । चितवन रास्ट्रिय निकुञ्जभित्र सेनाको गोलीबाट एउटा गैंडा मरेको छ ।
निकुञ्ज सुरक्षार्थ खटिएको नयाँ गोरख गणको सेरी सुरक्षा पोस्टबाट गस्तीमा खटिएको नेपाली सेनाले प्रतिरक्षाका क्रममा गोली चलाउँदा २४ वर्षको पोथी गैंडा मरेको निकुञ्जका सूचना अधिकारी अविनाश थापा मगरले जानकारी दिनुभएको छ ।
निकुञ्जको कोर क्षेत्रमा खटिएको गस्ती टोलीको बच्चासहितको बयस्क पोथी गैंडासँग जम्का भेट भएको थियो । गैंडा भगाउन १४ राउन्ड हवाइ फायर गर्दा पनि गैंडा नभागी सिपाहीमाथि आक्रमण गरेपछि घाइते सिपाही जोगाउन गोली चलाउँदा गैंडा मरेको सूचना अधिकारी मगरले बताउनुभयो ।
गैंडाको आक्रमणमा घाइते सिपाहीलाई सेनाको हेलिकप्टरमार्फत उपचारका लागि काठमाडौंको वीरेन्द्र सैनिक अस्पताल लगिएको निकुञ्जले जनाएको छ ।
.png&w=350&height=150)
