काठमाडौं । नवनियुक्त दुई मन्त्रीले पद तथा गोपनियताकाे सपथ लिएका छन् ।
प्रधानमन्त्री बालेन्द्र शाहको सिफारिसमा राष्ट्रपति रामचन्द्र पौडेलले शुक्रबार दुई नवनियुक्त मन्त्रीलाई पद तथा गोपनियताको सपथ दिलाउनुभएकाे हाे । उद्योग, वाणिज्य तथा आपूर्ति मन्त्रीमा गौरीकुमारी यादव र श्रम, रोजगार तथा सामाजिक सुरक्षा मन्त्रीमा रामजी यादवले शीतल निवासमा आयोजित विशेष समारोहबीच सपथ लिएका हुन् ।
प्रधानमन्त्री बालेन्द्र शाहले दिपक साहलाई श्रम मन्त्रीबाट पदमुक्त गरी रामजी यादवलाई श्रममन्त्री र गौरीकुमारी यादवलाई उद्योगमन्त्रीमा नियुक्त गर्नुभएकाे थियाे । उपसभामुख निर्वाचनका कारण सपथ ग्रहण समारोह केही समय ढिलो भएको थियो ।
