हेटाैंडा । एमाले अध्यक्ष केपी शर्मा ओली र कांग्रेस नेता रमेश लेखकलाई तत्काल रिहाइको माग गर्दै नेकपा (एमाले) जिल्ला कमिटी मकवानपुरले आइतबार जिल्ला प्रशासन कार्यालय मकवानपुरमार्फत नेपाल सरकारको ध्यानाकर्षण गराएको छ ।
प्रमुख जिल्ला अधिकारी बसन्त अधिकारीलाई एमाले मकवानपुरका कार्यवाहक अध्यक्ष हिदम लामाले ज्ञापनपत्र बुझाउनुभएको हो । एमाले मकवानपुर पार्टी कार्यालयबाट विरोध र्यालीसहित नेता कार्यकर्ता ज्ञापनपत्र बुझाउन जिल्ला प्रशासन कार्यालय पुगेका थिए ।
