काठमाडौँ । प्रधानमन्त्री सुशीला कार्कीले आगामी सरकारले भदौ २३ र २४ को घटनाबारे गठित जाँचबुझ आयोगको प्रतिवेदन कार्यान्वयन गर्ने बताउनुभएको छ । आज बिदाइ मन्तव्य दिँदै प्रधानमन्त्री कार्कीले आयोगको प्रतिवेदनले दिएका सिफारिस र सुझावका सन्दर्भमा आगामी सरकारले आवश्यक कदम चाल्ने बताउनुभएको हो ।
उहाँले सन्तुष्टि र आशा बोकेर आफू बिदा हुँदै गरेको उल्लेख गर्दै तोकिएको मितिमै निर्वाचन सम्पन्न गर्न भूमिका निर्वाह गर्ने आयोग, सुरक्षा निकाय तथा सरकारी निकायका सबै अधिकारीहरुलाई धन्यवाद दिनुभएको छ । उहाँले निर्वाचन सम्पन्न भएसँगै नेपालले आफ्नो समस्या आफैँ सामना गर्न सक्छौँ भन्ने प्रमाणित गर्न सफल भएका बताउनुभयो । यस्तै, कुनै दलले बहुमत ल्याउन सक्दैनन् भन्ने भाष्यलाई यो चुनावले गलत प्रमाणित गरिएको उहाँले बताउनुभयो ।
.png&w=350&height=150)
