अर्घाखाँची । प्रतिनिधि सभा निर्वाचनमा मतदान गर्न केही दिनमात्र बाँकी रहँदा अर्घाखाँचीमा चुनावलाई लक्षित गर्दै जिल्ला सुरक्षा समिति र मुख्य निर्वाचन कार्यालयले तयारी तीव्र बनाएका छन् ।
निर्वाचन शान्त, निष्पक्ष र भयरहित वातावरणमा सम्पन्न गराउन सुरक्षा व्यवस्थापन, निर्वाचन आचारसंहितामा कडाइ, मतगणना स्थल निर्माणलगायतका कार्यहरू अघि बढाइएको छ । जिल्ला सुरक्षा समितिले जिल्लाभरका मतदान स्थलहरूको स्थलगत अनुगमन गर्दै संवेदनशीलताको अध्ययनगरेको जनाएको छ ।
जिल्लामा २ सय ९ मतदान केन्द्र र १ सय २ मतदानस्थल रहेका छन् । अर्घाखाँचीमा दुर्गम बस्तीमा रहेका अधिकांश मतदानस्थल अति संवेदनशील सूचीमा रहेका छन् । जसमध्ये ३७ मतदानस्थल अति संवेदनशील, ४० वटा संवेदनशील र २५ वटा सामान्य रहेको जिल्ला प्रशासन कार्यालयले जनाएको छ ।
शितगंगाका अधिकांश क्षेत्रका बस्ती छरिएर रहेको र घरभन्दा जंगल क्षेत्र धेरै छ । जहाँबाट घन्टाैं पैदल हिँडेर मतदान स्थलमा पुग्नुपर्ने बाध्यता छ । ती मतदान केन्द्रमा पुगेर मतदातासहजै र सुरक्षित रूपमा मतदान गर्ने वातावरण बनाएको जिल्ला सुरक्षा समितिको दाबी छ ।
मुख्य निर्वाचन कार्यालयले मतदानस्थलमा पठाइने मतपेटिका, मतदाता नामावलीलगायतका आवश्यक सामग्रीको तयारी, निर्वाचन आचारसंहितामा कडाइ, मतदानमा खटिने कर्मचारी व्यवस्थापन, मतगणनास्थलको तारबार र मतदाता शिक्षालगायतका काम गरिरहेको छ ।
उम्मेदवारहरू आफ्नो एजेन्डा र प्रतिबद्धता बोकेर मतदाताको घरदैलोमा पुगिरहेका छन्। गाउँ-बस्तीमा चुनावी बहस, छलफल, भेटघाट, कोण सभा र प्रचारप्रसार भइरहेका छन् । अर्घाखाFचीमा १ लाख ७१ हजार ६५२ मतदाता रहेका छन् । तीमध्ये ८७ हजार १५७ पुरूष र ८४ हजार ४९५ महिला मतदाता रहेका छन् ।
एकमात्र निर्वाचन क्षेत्र रहेको प्रतिनिधि सभा सदस्यका लागि १५ जना उम्मेदवार चुनावी प्रतिस्पर्धामा छन् ।
.png&w=400&height=300)
