काठमाडौं । अर्थमन्त्री रामेश्वर खनालले फागुन २१ मा चुनाव हुँदैन कि भन्ने संशय हटेको बताउनुभएको छ ।
शुक्रबार राजधानीमा आयोजित एक कार्यक्रममा चुनाव गराउन बनेको सरकारलाई सुरूवाती दिनहरूमा अनेकौँ चुनौतीहरू आइपरे पनि निरन्तरको संवाद र दलहरूसँगको सहकार्यपछि मुलुकमा निर्वाचन हुने बाटो बनेको बताउनुभएको हो ।
उहाँकाअनुसार यो सरकार बनेको ५-६ हप्तासम्म निर्वाचन हुने हो कि भन्ने आशंका आम मानिससँगै राजनीति वृत्तमा रहे पनि अहिले हटेर गएको छ । मुलुकलाई निर्वाचनमा लैजान अन्तरिम सरकारले कतिपय बजेटमा आएका विषयवस्तुलाई कार्यान्वयनमा नलगेको पनि प्रष्ट पार्नुभयो ।
अर्थमन्त्री खनालले दिगो पर्यटन विकास गर्न जरूरी रहेको समेत बताउनु भयो । खनालकाअनुसार भ्रष्टाचार न्यूनीकरण र सुशासन कायम गर्ने जिम्मेबारी यो सरकारलाई भएकोमा कतिपय कुरामा सफलता प्राप्त भएको छ ।
.png&w=400&height=300)
