काठमाडौं । मधेश प्रदेशका प्रमुख सुरेन्द्रलाभ कर्णले भ्रष्टाचार मुक्त समाज निर्माण गर्ने संकल्पमा कहिल्यै पनि विचलित हुनु नहुने बताउनुभएको छ ।
अख्तियार दुरूपयोग अनुसन्धान आयोगको ३५औँ स्थापना दिवसको अवसर पारेर बुधबार जनकपुरमा आयोजित एक कार्यक्रममा बोल्दै उहाँले सो कुरा बताउनुभएको हो । प्रदेश प्रमुख कर्णले मुलुकलाई भ्रष्टाचार मुक्त बनाउनका लागि सार्वजनिक पद धारण गरेकाहरूले आफ्नो पदलाई केबल सेवाभावले मात्रै बुझन आवश्यक रहेको समेत बताउनु भयो ।
उहाँले जनप्रतिनिधिहरू वा सरकारी कर्मचारीहरूले पदीय मर्यादामा रहँदा जन-सेवाको कामलाई आत्मासात गरेर अघि बढे भ्रष्टाचारको जरो आफैं उखेलिने समेत स्पष्ट पार्नुभयो । प्रदेश प्रमुख कर्णले पद र शक्तिको मोहमा परेर आफ्नो मर्यादाबाट विमुख हुने छुट कसैलाई पनि नभएको बताउनु भयो ।
.png&w=400&height=300)
.png&w=350&height=150)
