काठमाडौं । निर्वाचन आयोगले बिहिबारदेखि मतपत्र जिल्लामा पठाउने तयारी गरेको छ ।
पहिलो चरणमा सुदूरपश्चिमका पहाडी जिल्लामा पठाइँदैछ । फागुन १२ गतेभित्र सबै जिल्लामा मतपत्र पुर्याइसक्ने लक्ष्य आयोगको छ । निर्वाचनका लागि चाहिने दुई करोड तीन लाख मतपत्र शनिबारसम्म छापेर सक्ने योजना जनक शिक्षा सामग्री केन्द्रको छ ।
फागुन २१ गते हुने प्रतिनिधि सभाको निर्वाचनका लागि डेढ करोडभन्दा बढी मतपत्र छापिएको र अहिले दैनिक १५ लाख मतपत्र छपाइ भैरहेको पनि केन्द्रले जनाएको छ। केन्द्रले छापेको १० लाख नमूना मतपत्र, निर्वाचन आयोगले जिल्लाहरूमा पुर्याइसकेको छ । समानुपातिकतर्फको दुई करोड आठ लाख ३० हजार मतपत्र पनि छापेर तयारी अवस्थामा राखिएको छ ।
यसैबीच निर्वाचन आचारसंहिता उल्लंघन गरेको आरोपमा आयोगले हालसम्म ५१ जनालाई स्पष्टीकरण सोधेको छ । आचारसंहिताविपरित काम गरेको उजुरी परेपछि आयोगले विभिन्न दल र उम्मेदवारलाई स्पष्टीकरण सोधेको हो । स्पष्टीकरण सोधेकामध्ये २१ जनाले अझै जवाफ नबुझाएको आयोगले जनाएको छ ।
हालसम्म ३० जनाले मात्र बुझाएको र बाँकी जवाफ आउन बाँकी रहेको आयोगका सहप्रवक्ता कुलबहादुर जिसीले जानकारी दिनुभयो।
.png&w=400&height=300)
.png&w=350&height=150)
