धनकुटा । धनकुटाको छथर क्षेत्रको जातीय, सांस्कृतिक विविधता तथा साहित्यिक-सामाजिक सहअस्तित्वका विषयमा प्राज्ञिक विचार गोष्ठी सुरू भएको छ।
छथर साहित्य समाजको आयोजना, नेपाल प्रज्ञा प्रतिष्ठानको सामाजिक-सांस्कृतिक विभागको सहकार्य तेह्रथुमको चाङलुङ गुफामा कार्यक्रम सञ्चालन गरिएको हो। तेह्रथुमको सुदापस्थित ऐतिहासिक चाङलुङ गुफामा यसका लागि विभिन्न जिल्लाबाट कवि, साहित्यकार, संस्कृतिकर्मी र अनुसन्धानकर्ताहरूको सहभागी छन्।
सहभागीहरू आ-आफ्नो जातीय तथा सांस्कृतिक भेषभूषामा उपस्थित भई सांस्कृतिक पहिचान र सहअस्तित्वका विषयमा धारणा राखिरहेका छन्। भेला मंगलबार मार्गा पोखरीमा ६ बुँदे घोषणा पत्र जारी गर्दै सकिनेछ। घोषणा पत्रमार्फत स्थानीय संस्कृति संरक्षण, प्रवर्द्धन र साहित्यिक गतिविधि विस्तारका प्रतिबद्धता सार्वजनिक गर्ने तयारी छ।
ऐतिहासिक गुफास्थलमा आयोजित यो भेला छथरको सांस्कृतिक पहिचान उजागर गर्ने महत्वपूर्ण अवसरका रूपमा हेरिएको छ।
