महाेत्तरी । नेपाल-भारत सीमामा रहेका सटही काउन्टर बन्द गरेपछि मधेशका सर्वसाधारण मर्कामा परेका छन् ।
भारत भित्रि सहरहरूमा नेपाली रूपैयाँ नचल्ने, सीमा नाकामा रहेका सटही काउन्टर हटाएको र नेपाल राष्ट्र बैंकले आवश्यकताअनुसारको भारू उपलब्ध नगराएपछि सर्वसाधारण निकै समस्यामा परेका हुन् ।
सर्वसाधारणले भारू नपाएपछि औषधि उपचार, तीर्थ यात्रा र दैनिक उपभोग्य सामग्री किनमेललगायतका कामकाज प्रभावित भएको छ । सीमावर्ती भारतीय बजारका व्यवसायीहरूले नेपाली १ सय ६० रूपैयाँ सटही गर्दा १ सय भारू दिनुपर्नेमा ९० रूपैयाँ मात्रै दिने गरेका छन् ।
जलेश्वर भिठ्ठामोड नाकामा ५६ जनाभन्दा बढी बिचौलियाहरूले अवैधरूपमा भारू–नेपालीको करोबार गरी ठगी गर्दा पनि सरोकारवाला मुकदर्शक बनेको छ । भारू साट्न बिहानैदेखि हरेक दिन पाँच सयभन्दा बढी मानिस लाइन बसे पनि जनकपुरस्थित राष्ट्र बैंकको कार्यालयले दुई सय जनालाई मात्र जनही २५ सय भारू उपलब्ध गराउँदै आएको छ ।
केन्द्रीय कार्यालयको निर्देशनअनुसार नागरिकता र सिफारिसको आधारमा प्रति व्यक्ति २५ सय भारू मात्र दिने गरको जनकपुर कार्यालयले जनाएको छ ।
.png&w=400&height=300)
.png&w=400&height=300)
.png&w=350&height=150)
