
धनकुटा । कोशी प्रदेशका पहाडी जिल्लामा निर्वाचन प्रहरीका लागि दरखास्त दिने आवेदक न्यून देखिएका छन् ।
धनकुटा, भोजपुर, तेह्रथुम र संखुवासभाका लागि निर्धारित निर्वाचन सुरक्षा प्रहरीको ३ हजार ३ सय ८६ कोटामध्ये बुधबारसम्म २ हजार २ सय ९४ जनाले मात्रै आवेदन दर्ता गराएका हुन् ।
संखुवासभामा ९ सय ८४ कोटामध्ये ८ सय जनाको आवेदन परेको छ । तेह्रथुममा ६ सय १६ मध्ये ३ सय ३३, भोजपुरमा १ हजार ९७ मध्ये ५ सय ८४ र ९ सय ८९ कोटाको धनकुटामा ५ सय ७३ जनाले निर्वाचन प्रहरीका लागि आवेदन दर्ता गराएका छन् ।