काठमाडौं । नेपाली कांग्रेसका महामन्त्री गगनकुमार थापाले आफूहरूले आयोजना गरेको विशेष महाधिवेशन वैधानिक भएको दाबी गर्नुभएको छ ।
भृकुटीमण्डपमा जारी पार्टीको विशेष महाधिवेशनमा समसामयिक राजनीतिक प्रस्ताव पेस गर्दै उहाँले संविधान, कानुन र निर्वाचन आयोगले समेत आफूहरूले आयोजना गरेको विशेष महाधिवेशनलाई अवैधानिक भन्न नसक्ने जिकिर गर्नुभएको हो । महामन्त्री थापाले विशेष महाधिवेशनको वैधानिकतामाथि कानुनी प्रश्न उठाउने आँट कसैले गर्न नसक्ने समेत बताउनु भयो ।
महामन्त्री थापाले आफूहरूले कांग्रेसलाई जागृत गराउन पनि सो महाधिवेशन आयोजना गर्नु परेको बताउनु भयो ।
