काठमाडौं । सरकारले नेपाल प्रहरीको महानिरीक्षक (आईजीपी) मा दानबहादुर कार्कीलाई नियुक्त गरेको छ ।
साेमबार बसेको मन्त्रिपरिषद्को बैठकले अतिरिक्त महानिरीक्षक कार्कीलाई आईजीपीमा बढुवा गर्ने निर्णय मन्त्रिपरिषद्ले गरेको हो । कार्कीले कात्तिक २७ गतेदेखि महानिरीक्षकको कार्यभार सम्हाल्नुहुनेछ । २०५४ चैतमा प्रहरी निरीक्षकबाट सेवा प्रवेश गरेका कार्की ३० वर्षे सेवा अवधि कायम रहे २०८४ चैतसम्म प्रहरी महानिरीक्षकमा रहनु हुनेछ ।
३० वर्षे सेवा अवधिकै कारण हालका प्रहरी महानिरीक्षक चन्द्रकुवेर खापुङ २६ गतेदेखि अवकाशमा जाँदै हुनुहुन्छ ।
