अर्घाखाँची । अर्घाखाँचीको छत्रदेव गाउँपालिका-७ ढिकुरास्थित भगवती आधारभूत विद्यालय सञ्चालनका लागि आर्थिक स्रोत सङ्कलन गर्न अभिभावक, विद्यार्थी एकजुट भएर देउसीभैलो खेलेका छन् ।
संस्कृति संरक्षणसँगै आर्थिक स्रोत सङ्कलन गरेर निजी स्रोतबाट शिक्षक नियुक्ति गरी विद्यालयको शैक्षिक गुणस्तरमा वृद्धि गर्न पुरानो सोरठी, मारूनी, देउसी-भैलो, झ्याउरे र अन्य परम्परागत गित र नृत्य प्रस्तुति दिँदै गाउँ गाउँमा नाच्ने गरेको छत्रदेव गाउँपालिका-७ का सदस्य धर्मराज पाण्डेले जानकारी दिनुभयो ।
कक्षा १ देखि ५ सम्म सञ्चालन भएको विद्यालयमा अहिले चार जना मात्रै शिक्षक छन् ।
