दोलखा । दोलखाको बैत्यश्वर गाउँपालिका-३ मिर्गे ठाडेमा भालुको आक्रमणमा एक जनाको मृत्यु भएको छ ।
मृत्यु हुनेमा ५९ बर्षीय टेक बहादुर तामाङ रहेको प्रहरीले जनाएको छ। आज बिहान घाँस काट्न गएका तामाङलाई भालुले आक्रमण गरेर घाईते बनाएको थियो ।
भालुको आक्रमणबाट घाईते अवस्थामा फेला परेका उनको घटनास्थलमै मृत्यु भएको प्रहरीले जनाएको छ । पछिल्लो समयमा बैत्यश्वर-३ मिर्गेमा भालुको आतंकका कारण स्थानीय त्रसित बनेका छन् । ४ भन्दा बढि स्थानीय भालुको आक्रमणमा परेर घाईते भैसकेका छन् ।
