काठमाडौं । जेन-जी प्रदर्शनका क्रममा भदौं २४ गते जेलबाट भागेका नक्कली भुटानी शरणार्थी मुद्दाका प्रतिवादी सन्देश शर्मा आइतबार ललितपुरबाट पक्राउ परेका छन्।
काठमाडौं उपत्यका प्रहरी कार्यालय र अपराध अनुसन्धान कार्यालयको संयुक्त टोलीले शर्मालाई आइतबार पक्राउ गरेको हो। शर्मालाई पक्राउ गरी कारागार चलान गरिएको उपत्यका प्रहरी कार्यालयका प्रमुख एआइजी दानबहादुर कार्कीले कान्तिपुर टेलिभिजनलाई जानकारी दिनुभयो ।
यसअघि सो मुद्दामा फरार केशव दुलाल र सानु केसीलाई पनि प्रहरीले लुकेर बसेको अवस्थामा पक्राउ गरेको थियो।
