महाकाली सन्धी कार्यान्वयनको लागि कुटनीतिक पहल आवश्यकः उप-महानिर्देशक बराल

श्रावण १६, २०८२ |कान्तिपुर टीभी संवाददाता
महाकाली सन्धी कार्यान्वयनको लागि कुटनीतिक पहल आवश्यकः उप-महानिर्देशक बराल

काठमाडौं । जलस्रोत तथा सिंचाई विभागका उप-महानिर्देशक मित्र बरालले महाकाली सन्धी कार्यान्वयन नहुँदा सिंचाई आयोजनाहरू प्रभावहीन भएको बताउनुभएको छ ।

शुक्रबार राष्ट्रिय सभाको संघीयता सबलीकरण तथा राष्ट्रिय सरोकार समितिको बैठकमा बोल्दै उहाँले यस्तो बताउनुभएको हो । उहाँले निर्मार्णधिन सिंचाई नहरहरूमा सन्धीअनुरूप पानी सदुपयोग गर्न नपाएको बताउनु भयो । 

उहाँले महाकाली सन्धीअनुरूप पानी उपयोग गर्न अझै संघर्ष गर्नुपर्ने अवस्था रहेको उल्लेख गर्दै यसको लागि कुटनीतिक पहलको आवश्यकता रहेको बताउनु भयो । उपमहानिर्देशक बरालले राष्ट्रिय गौरव तथा प्राथमिकता प्राप्त आयोजनाको लागि जग्गा अधिग्रहण, कित्ताकाट, लगतकट्टालगायत कार्य सम्पन्न गर्न छुट्टै नापी टोलीको व्यवस्था गर्नुपर्ने आवश्यकता रहेको पनि बताउनु भयो ।

जलस्रोत विकासमा आपसीमैत्री तथा घनिष्ठ छिमेकीपनको सम्बन्ध प्रवर्द्धन गर्ने प्रतिबद्धताअनुसार २९ माघ २०५२ मा नेपाल-भारतबीच महाकाली सन्धीमा हस्ताक्षर भएको थियो । उक्त सन्धी कार्यान्वयन हुन नसक्दा शारदा बाँध, टनकपुर बाँध तथा पञ्चेश्वर परियोजनाको काम समेत प्रभावकारी रूपमा अगाडि बढ्न सकेको छैन । 


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.