काठमाडौं । भारतले शुक्रबार बिहानैबाट महाकाली नदीमा मिसिने धौलीगंगा बाँधका ढोकाहरू खोलेको छ ।
धौलीगंगा पावर स्टेशनको जलाशयमा पानी अत्यधिक भएकाले सिल्ट सरसफाइका लागि आकस्मिकरूपमा बाँध खोल्नुपरेको भारतीय पक्षले जनाएको छ । बाँधका ढोका खोलेसँगै महाकालीको बहाव बढेको छ।
यससँगै महाकाली नदी तटीय क्षेत्रका बासिन्दालाई सतर्कता अपनाउन आग्रह गरिएको छ। दार्चुला र बैतडीका महाकाली नदी किनारमा बसोबास गर्ने नागरिकलाई तटीय क्षेत्रमा नजान आग्रह गरिएको छ ।
शुक्रबार डेढ बजेतिर खोलिएको बाँध शनिबार दिउँसोसम्म खुला रहने धौली गंगा पावर स्टेशन एनएचपीसीले जनाएको छ ।
