काभ्रे । काभ्रेबाट भक्तपुर आउने वैकल्पिक मार्गअन्तर्गत बनेपा-नाला-ताथली सडक खण्डको नालामा पुल भासिएको छ । उग्रचण्डी ग्यास उद्योग नजिकै नालामा रहेको पुल भासिएको हो ।
यसअघि शुक्रबार साँझ सागा झोलुंगेपुल नजिकै पहिरो खस्दा अरनिको राजमार्ग करिब एक घण्टा अवरूद्ध भएको थियो । राजमार्ग बन्द हुँदा साना सवारी डाइभर्ट गरिएको यही वैकल्पिक मार्गमा समेत पुल भासिएको हो ।
काभ्रेका ट्राफिक प्रहरी प्रमुख सुनील धाजुकाअनुसार, नालातर्फको वैकल्पिक सडकमा साना गाडीलाई डाईभट गरिने भए पनि अब पुल भासिएपछि अरनिको राजमार्ग अवरूद्ध हुँदा सास्ती झन् बढ्नेछ।
