काठमाडौं । राष्ट्रिय स्वतन्त्र पार्टी-रास्वपाले मानव तस्करी र भिजिट भिसा प्रकरणबारे छानबिन गर्न उच्चस्तरीय छानविन आयोग गठन गर्न माग गरेको छ ।
प्रतिनिधि सभाको मंगलबारको बैठकमा बोल्दै रास्वपा सांसद शिशिर खनालले भिजिट भिसा प्रकरणमा गृहमन्त्रीसहितका कर्मचारीमाथि संगठित अपराध र सम्पती शुद्धिकरणमा अनुसन्धान गर्न उच्चस्तरीय छानविन आयोग गठन गर्न माग गर्नुभएको हो ।
उहाँले भिजिट भिसा प्रकरणमा म्यानपावरदेखि एयरलाइन्ससम्म र कर्मचारीदेखि गृहमन्त्रीको सचिवालय समेत जोडिएको उल्लेख गर्नुभयो । उहाँले गृहमन्त्री रमेश लेखकले राजीनामा दिएर छानबिन सुरू नभएसम्म संसद् चल्न नदिने चेतावनी दिनुभयो ।
गृहमन्त्रीले राजीनामा माग गर्दै प्रतिपक्षी दलहरूले नारावाजी गरेपछि मंगलबारको भसाको बैठक आधा घण्टाको लागि स्थगित भएको छ ।
