काठमाडौं । नेकपा (माओवादी केन्द्र)की सांसद दुर्गा राईले झ्याप्प-झ्याप्प बत्ती जाने कुरा सरकारको आयुको संकेत हो भन्दै प्रश्न गर्नुभएको छ ।
प्रतिनिधि सभाको आइतबारको बैठकमा बोल्दै उहाँले अहिले झ्याप्प-झ्याप्प बत्ती जाने गरेकोप्रति असन्तुष्टि व्यक्त गर्नुभयो ।
झ्याप्प-झ्याप्प बत्ती जानुको अर्थ सरकारको आयुसँग जोडिएको उहाँको टिप्पणी छ । उहाँले पछिल्लो समय बत्ती जाने र आउने क्रमबाट नागरिक रूष्ट रहेकाे बताउनुभयाे । जसकारण पनि सरकारको बिरोध भइरहेको उहाँकाे भनाइ छ ।
सांसद राईले मध्यपहाडी लोकमार्ग अन्तर्गतको भोजपुर र खोटाङ जिल्लाको सीमानामा पर्ने बाँझे च्यानडाँडा खण्डमा पर्ने १० किलोमिटर सडक लामो समयदेखि अलपत्र रहेको भन्दै सरकारको ध्यानाकर्षण गराउनु भयो ।
