काठमाडौं । पत्रकार सुरेश रजकको मृत्यु प्रकरणको छानबिनका लागि कतैबाट चासो नदेखाइएको भन्दै मृतक रजकका परिवारले राष्ट्रिय मानवअधिकार आयोगमा उजुरी दिएका छन् । गत चैत १५ गते काठमाडौंको तीनकुनेमा राजावादीको प्रदर्शनका क्रममा जलेर मृत्यु भएको घटनामा हालसम्म सरकारबाट कुनै ठोस कदम नचालेको भन्दै परिवारले मानवअधिकार आयोग पुगेर औपचारिक उजुरी दर्ता गराएको हो ।
चैत १५ मा राजावादी समूहले गरेको प्रदर्शनको समाचार छायांकनका क्रममा घरभित्र रहेका रजकको जलेर मृत्यु भएको थियो । उक्त घटनापछि प्रधानमन्त्री केपी शर्मा ओलीसहित राजनीतिक दलका नेताहरूले रजकको परिवारलाई भेटेका थिए ।
