काठमाडौं । भारतको ओडिसास्थित कलिंग इन्स्टिच्युट अफ इन्डस्ट्रियल टेक्नोलोजी केआईआईटीमा अध्ययनरत छोरी प्रिशा साह छात्रावासमा मृत फेला परेपछि घटनाबारे बुझ्न र शव ल्याउन परिवार त्यसतर्फ गएको छ ।
प्रिशा मृत फेलापरेको खबरले शोकमा डुबेका परिवारका सदस्य आज बिहान ओडिसा प्रस्थान गरेका हुन्। सर्लाहीको कबिलासी नगरपालिका-८ का श्यामप्रसाद साहकी छोरी प्रिशा गत वर्ष अध्ययनका लागी ओडिसा पुगेकी थिइन् । प्रिशा मृत फेला परेको खबरपछि बुवा श्याम, आमा पिन्की तथा भाई गौरव आज बिहान ओडिसा गएको परिवारका सदस्यले जनाएका छन् ।
हिजो मात्रै अभिभावकसँग फोनमा कुरा गरेकी प्रिशा परीक्षा सकेर प्रिशा मे १८ तारिखमा नेपाल फर्किने तयारी थियो । प्रिशा हिजो साँझ केआईआईटीको छात्रावास ‘क्विन्स क्यासल-४’ को चौथो तलामा रहेको आफ्नै कोठामा मृत फेला परेकी थिइन् । विश्वविद्यालयले नेपाली दूतावासलाई दिएको जानकारीअनुसार प्रहरीले घटनास्थल नियन्त्रणमा लिएको छ ।
गत फागुन ४ मा केआईआईटीको सोही छात्रावासमा रूपन्देहीकी प्रकृति लम्साल पनि मृत फेला परेकी थिइन्।
याे पनि :
