बाँके । बाँके राष्ट्रिय निकुञ्जको खड्गवार हात्तीसारमा हात्तीले आक्रमण गर्दा हात्तीको माउतेको मृत्यु भएको छ ।
बर्दिया ठाकुरबाबा नगरपालिका–९ घर भई बाँके राष्ट्रिय निकुञ्जमा कार्यरत अन्दाजी ४५ वर्षका आशाराम थारुको घटनास्थलमै मृत्यु भएको बाँके राष्ट्रिय निकुञ्जका वरिष्ठ संरक्षण अधिकृत वीरेन्द्र कँडेलले बताउनुभयो ।
खड्वार हात्तीसारमा गए राति दाना हाल्ने क्रममा १८ वर्षको गणेशगज नामक हात्तीले थारुलाई आक्रमण गरेको थियो ।
बाँके राष्ट्रिय निकुञ्ज कार्यालयका अनुसार थारुले २०७३ सालदेखि हात्तीको स्याहार गर्दै आउनुभएको थियो । बाँकेमा २०७३ सालमा थारुले नै गणेशगजलाई बर्दियाबाट बाँके ल्याउनु भएको निकुन्जले जनाएको छ ।
