बाँके । बाँकेको नौवस्ता औद्योगिक क्षेत्र अतिक्रमण गरी बनाएका घर टहरा भत्काउन थालिएको छ ।
बाँकेको बैजनाथ गाउँपालिका वडा नम्बर ३ मा लुम्बिनी प्रदेश स्तरीय ‘नौवस्ता औद्योगिक क्षेत्र’ निर्माण गरिदैछ ।
जग्गा सिमांकन गर्न खोज्दा विवाद र अवरोध भए पछि सशस्र र नेपाल प्रहरी लगाएर बस्ती हटाउने क्रम सुरू भएको हो । औद्योगिक क्षेत्रको जग्गा सिमांकनमा विवाद उत्पन्न भएपछि पछिल्ल्लो पटक बिहीबार जिल्ला प्रशासन कार्यालय बाँकेमा बसेको सर्वदलिय तथा सर्वपक्षिय बैठका जग्गा सिमांकन गर्ने सहमती गरेको थियो ।
जग्गाको सिमांकन गनरन मानव बस्ती र औद्योगिक क्षेत्रको जग्ग्गाको बीचबाट बाटो खोल्न अतिक्रमित क्षेत्र खाली गराउन सुरु गरिएको हो । औद्योगिक क्षेत्र निर्माण स्थलमा अहिले दुई वटा जेसिबी प्रयोग गरेर बाटो निर्माणको काम सुरु गरिएको छ ।
औद्योगिक क्षेत्र ब्यवस्थापन लिमिटेडका महाप्रबन्धक पदम ओलीले सर्बदलिय र सर्वपक्षीय निर्णय अनुसार खाली गराउन सुरु गरिएको बताउनु भएको छ ।
