मोरङ । नेपाली ढाका कपडा, जुन एक समय परम्परागत तथा सांस्कृतिक पोसाकका रूपमा सीमित थियो, पछिल्लो समय रोजाइ बन्दै गएको छ । यो अब कुनै जाति विशेषको मात्र पहिरन नभएर दैनिक जीवनदेखि औपचारिक तथा शुभकार्यसम्म प्रयोग गरिने आकर्षक फेसन बनेको छ ।
ढाकाको उत्पादन प्रवर्द्धन र बजारीकरणका लागि पहिलो पटक कोशी प्रदेशमा नेपाल उद्योग वाणिज्य महासंघले ढाका महोत्सव गरेको छ । परम्परागत स्थानीय कच्चा पदार्थबाट बनाउने ढाकाका कपडामा महिलाको सहभागीता बढी छ ।
ठूलो परिमाणमा मेसीनबाट उत्पादन हुने कपडामा प्रतिस्पर्धा गर्न नसकेर ढाकाले बजार पाउन सकेको थिएन । महासंघले पहिलो पटक ढाका महोत्सव गरेपछि ढाकाको कपडाले चर्चा पाएको छ । यसरी बजारीकरण प्रबर्द्धन गर्ने प्लेटर्फम पाउादा ढाका उद्यमीहरु उत्साहित भएका छन् ।
पहिलो पटक ढाका महोत्सवमा उपस्थित भएका कोशी प्रदेशका मुख्यमन्त्री हिक्मतकुमार कार्कीले सरकारी पोसाकमा ढाकाको कपडा प्रयोग गर्ने आश्वासन दिनु भएको छ ।
कोशी प्रदेश उद्योग वाणिज्य महासंघ पनि उत्साहीत भएको छ । उत्पादन बढाउन र बजारीकरणका लागि उसले ढाका महोत्वलाई निरन्तरता दिने प्रतिवद्धता जनाएको छ । ढाका कपडाको लागि आवश्यक पर्ने कच्चा पदार्थमा सुविधा दिएर यसतर्फ लगानी बढाउन उद्यमीहरुलाई सरकारले प्रोत्साहन गर्नुपर्ने उसले बताएको छ ।
घरमै फुर्सदको समयमा बनाउन सकिने ढाका उद्योगलाई संरक्षण, प्रवर्द्धन र बजारीकरण गर्न सके गाउा, गाउामा रोजगारीको सिर्जना हुने थियो । त्यसैले महिलालाई रोजगारी र आत्मनिर्भर बनाउन तीनै तहका सरकारले ढाका कपडाका प्रवर्द्धन र बजारीकरण गर्न आवश्यक छ ।
