काठमाडौं । नेपाल प्रहरीको ३१ औं प्रहरी महानिरीक्षक (आईजीपी) मा दीपक थापा नियुक्त हुनुभएको छ । मन्त्रिपरिषद्को आज बसेको बैठकले थापालाई आईजीपी नियुक्त गरेको हो ।
सोमबारबाट प्रहरी महानिरीक्षक वसन्तबहादुर कुँवरले अवकाश पाउने भएसँगै सरकारले प्रहरीमा नयाँ नेतृत्व चयन गरेको हो । प्रहरी महानिरीक्षकका लागि थापासँगै एआईजीहरू सुदीप गिरी र टेकबहादुर तामाङ प्रतिस्पर्धामा हुनुहुन्थ्यो ।
थापा यसअघि केन्द्रीय अनुसन्धान ब्युरो (सीआईबी)का प्रमुख हुनुहुन्थ्यो । थापा २०५२ साल भदौ १९ गते प्रहरी सेवामा प्रवेश गर्नुभएको थियो ।
