काठमाडौं । प्रधानमन्त्री केपी शर्मा ओलीले विदेशमा आर्जन गरेको सीप र धनलाई एकताबद्ध भएर नेपालमा लगानी गर्न गैरआवासीय नेपालीहरुलाई आग्रह गर्नुभएको छ ।
गैरआवासीय नेपाली संघ एनआरएनको आज काठमाडौंमा आयोजित गैरआवासीय नेपाली दिवस र वार्षिक साधारणसभामा प्रधानमन्त्री ओलीले नागरिकताका विषयमा गैरआवासीय नेपाली संघले राखेको मागप्रति सरकार सकारात्मक रहेको बताउनुभयो । उहाँले एनआरएनलाई पहिचान र आवश्यक सुविधा दिन सरकारले कञ्जुस्याँइ नगर्ने पनि बताउनुभयो ।
उहाँले एकताबद्ध भएर अगाडी बढे नेपालको विकास संभव भएको बताउनुभयो । उहाँले गैरआवासीय नेपाली संघको छविलाई कायम गरि संगठनलाई एकताबद्ध राख्न र राजनीतिक रुपमा विभाजित नहुन आग्रह पनि गर्नुभयो ।