काठमाडौं । नेपाल होचा पुड्का संघले सरकारले आफूहरुलाई उपेक्षा गरेको गुनासो गरेको छ ।
१३ औं अन्तर्राष्ट्रिय सचेतना दिवसका अवसरमा काठमाडौंमा आयोजित कार्यक्रममा उनीहरुले सरकारले आफ्ना गुनासा नसुनेको र ध्यानाकर्षण गराउँदा पनि आवाज दबाउने गरेको बताएका हुन् ।
होचा पुड्काहरुले सबैभन्दा बढी सास्ती सरकारी कार्यालयहरुमै बेहोर्नु परेको उनीहरुको भनाइ छ ।
देशभर कति होचा पुड्का छन् भन्ने तथ्यांक पनि सरकारसँग छैन । उनीहरुलाई सहज हुने गरी संरचना निर्माण थालिएको भए पनि सबै स्थानमा प्रयोग सुरु भएको छैन ।