काठमाडौं । नेपाल इन्जिनियरिङ परिषद्ले लिएको इन्जिनियरिङ लाइसेन्स परीक्षामा ५५ प्रतिशत परीक्षार्थी पास भएका छन् ।
कार्तिक २ देखि ७ गतेसम्म सञ्चालन भएको इन्जिनियरिङ लाइसेन्स परीक्षामा सहभागी ४ हजार ६ सय ६८ मध्ये २ हजार ६ सय ६८ अर्थात ५५ प्रतिशत पास भएको परिषद्का अध्यक्ष पदमबहादुर शाहीले जानकारी दिनुभयो ।
परीक्षामा ४५ प्रतिशत अर्थात १८ सय परीक्षार्थी फेल भएका छन् । अघिल्लो लाइसेन्स परीक्षामा भन्दा यसपालि अलि बढी परीक्षार्थी पास भएको परिषद्ले जनाएको छ ।
