महोत्तरी । महोत्तरीको बर्दिवास नगरपालिका-५ टुटेश्वर मन्दिर नजिकै एक युवतीको शव फेला परेको छ ।
मन्दिर नजिकको वनक्षेत्रमा अन्दाजी २० वर्षीया युवतीको शव बुधबार फेला परेको इलाका प्रहरी कार्यालय बर्दिवासले जनाएको छ । कालो भेस्ट र निलो जिन्स लगाएकी युवतीको हत्या भएको हुनसक्ने अनुमानमा अनुसन्धान थालिएको इलाका प्रहरी कार्यालय बर्दिवासका प्रहरी नायव उपरीक्षक रेवतीरमण पोखरेलले जानकारी दिए । युवतीको शव परीक्षणका लागि बर्दिवास अस्पतालमा राखिएको छ ।
इलाका प्रहरी कार्यालय बर्दिबासका प्रहरी नायव उपरीक्षक पोखरेल अनुसार बुधबार नै शव भेटिए पनि युवतीको पहिचान खुलेको छैन । युवतीको सनाखतको प्रयास भइरहेको र शव परीक्षण रिपोर्टले घटनाबारे अनुसन्धान गर्न थप सहयोग पुग्ने प्रहरीले जनाएको छ ।
