नवलपरासी । पूर्व-पश्चिम राजमार्ग अन्तर्गत दाउन्नेमा फेरि सडक भासिएको छ । पश्चिम नवलपरासीको बर्दघाट-४ स्थित खुर्सानी खोला नजिकै सडक भासिएपछि यातायात पूर्णरुपमा अवरुद्ध भएको हो ।
जिल्ला प्रहरी कार्यालय पश्चिम नवलपरासीका डीएसपी रेशम बोहराका अनुसार अन्दाजी २० फिट लम्बाइ र ५ फिट सडक भासिएको हो ।
भासिएको सडकको मर्मतको काम भइरहेको छ । राजमार्ग अवरुद्ध हुँदा पूर्व र पश्चिमबाट आउने जाने सवारी रोकिएका छ्न् । यसअघि असोज १४ गते पनि खुर्सानी खोला क्षेत्रमा नै सडक भासिएको थियो ।
