इलाम । अविरल वर्षाका कारण इलामको देउमाई नगरपालिका १ मैदानेमा पाँचथरको फाल्गुनन्द गाउँपालिका ४ महाभारा डाँडाबाट पहिरो खसेर ४ वटा घरमा क्षति पुगेको छ ।
राँकेबाट रवि जाने सडक खण्ड समेत अवरुद्ध बनेको छ । पहरोको कारण घरभित्रै लेदो पस्दा स्थानीय पासाङ शेर्पा, दमु शेर्पा, फुर्तिबा शेर्पा र फुर्वा शेर्पाको घरमा पहिरो पसेको जिल्ला प्रहरी कार्यालय इलामले जनाएको छ ।
यता शुक्रबार साँझ पहिरो खसेर अवरुद्ध बनेको इलाम नगरपालिकाको खरेलडाँडा खण्डको मेची राजमार्गमा तत्काल पहिरो हटाएर यातायात सञ्चालनमा ल्याइएको छ ।
त्यस्तै मेचीराजमार्गको इलाम नगरपालिका ९ स्थित भञ्ज्याङ मनइखोला सडकमा शुक्रबार राति १० बजेदेखि बिहानसम्मका लागि सवारी साधन चलाउन रोक लगाइएको छ ।
