बाजुरा । बाजुराको बुढीगंगा नगरपालिका–६ मा पर्ने बाम्का बजारमा आज दिउँसो ग्यास सिलिन्डर पड्किँदा भीषण आगलागी भएको छ । बजारको एक होटलबाट खाना पकाउने ग्यास सिलिन्डर पड्किएर आगलागी हुँदा ४० घरपसलहरू जलेर नष्ट भएको प्रहरीको प्रारम्भिक अनुमान छ ।
आगलागीको क्षतिको आकलन भइसककेको छैन । हावाहुरीका कारण आगो नियन्त्रण लिन सकस भएको थियो । अहिले पनि आगो पूर्ण नियन्त्रणमा आएको छैन । आगलागीपछि बाम्का बजारमा फाइबर इन्टरनेट र विद्युत् सेवा समेत अवरोध भएको छ ।
अहिले जिल्ला विपद् व्यवस्थापन समितिकाे आकस्मिक बैठक आगाे प्रभावित क्षेत्रमा बसिरहेको छ ।
