काठमाडौं । प्रधानमन्त्री केपी शर्मा ओलीले संविधान दिवसको अवसरमा शुभकामना व्यक्त गर्नुभएको छ । उहाँले यो संविधानले सबै विचार, समुदाय, भूगोल, लिङ्ग, जाति र धर्मका भावनालाई संरक्षण गरेको बताउनुभएको छ ।
संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने उहाँले बताउनुभएको छ ।
'आज संविधान दिवस, हाम्रो राष्ट्रिय दिवस,' प्रधानमन्त्रीले भन्नुभएको छ, 'दशकौं लामो संघर्ष र सयौंको बलिदानको फलस्वरूप जनता आफैंले आफ्ना लागि तय गरेको शासन प्रणाली र जनताले चुनेको संविधानसभाले पहिलो पटक निर्माण गरेको संविधान । यसले सबैलाई अधिकार सम्पन्न बनाएको छ।'